Avammut tunisanut kisitsisit
Siunertaq
Saqqummersitap siunertaraa piaarnerusumik aalisarnermiit avammut tunisartakkat tamanut paasissutissiissutiginissaat.
Imarisai
Saqqummersitami ilaatinneqarput avammut tunisat aalisarnermik aallutaqartuninngaaneersuinnaat. Tunisassiat allat, assersuutigalugu puisininngaaneersut, savaninngaaneersut uumasunillu allaneersut saqqummersitami taamaalillutik ilaatinneqanngillat.
Iluarsiissuteqarneq
Una saqqummersitaq iluatsillugu maajip 28-ani saqqummersitaq Aalisakkat avammut tunisaanerat januaari-apriili 2020 iluarsiissuteqarfigineqarpoq. Iluarsiissut katillugu 26. mio. kr.-inik annertuseriarnermik kinguneqarpoq, taakkunani 21 mio. kr.-nit februaarimut tunngasuupput, 5 mio. kr.-nillu apriilimut tunngallutik. Iluarsiissuteqartariaqalerneq pissuteqarpoq, Akileraartarnermut Aqutsisoqarfimmut nunanut allanut tunisinermi nalunaartussaatitaanermut tunngasut kingusinaartumik qarasaasianut ikkussuunneqarsimammata. Iluarsiissutit tabel 4-mi sukumiinerusumik misissuataarneqarsinnaapput.
Avammut tunisat nalingi 11,4 pct.-imik annikilleriartut
2020-mi januaarimiit maaji ilanngullugu avammut tunisat nalingi katillugit 1.626 mio. kr.-usimapput. Ukiup siuliani piffissamut tassunga sanilliullugit 208 mio. kr.-inik annikinnerupput, annikilleriarnerlu 11,4 pct.-iuvoq.
Oqimaassuseq akillu appartut
Nunanut allanut tunisaasartut pingaarnerit nalingisa apparnerat tunisakinnerulernermik aammalu tunisat akimikkut appariaallassimanerannik pissuteqarpoq. Tamanna titartakkani 3-5 aammalu tabelini 1-3 takuneqarsinnaavoq.
Titartagaq1. Aalisakkat avammut tunisaanerat, mio. kr.
Najoqqutaq: http://bank.stat.gl/IENEXPMND |
Titartagaq 2. Aalisakkat pingaarnerit avammut tunisaanerat qaammatikkaarlugu, mio. kr.
Najoqqutaq: http://bank.stat.gl/IENEXPMND |
Titartagaq 3. Procentinngorlugu allannguutit 2019-mi piffissamut sanilliullugit, Raajat
Titartagaq 4. Procentinngorlugu allannguutit 2019-mi piffissamut sanilliullugit, Qalerallit
Titartagaq 5. Procentinngorlugu allannguutit 2019-mi piffissamut sanilliullugit, Saarulliit